येऊ नको धस्सदिशी
भरलेल्या पायानं
झोप माझ्या तान्हुल्याची
चाळवेल ग!

येऊ नको अशी
दुपारच्या वेळेला
बाळ गाढ झोपलेला
कुशीमध्ये

येऊ नको ग अशी
तिन्ही सांजेच्या वेळेला
बाळ माझा रडतो ग
एकसारखा

येऊ नको ग अशी
कडी वाजवीत रातीला
दचकेल ग बाळ माझा
पाळण्यातला

येऊ नको ग अशी
भलत्या सलत्या वेळेला
बाळ माझ्या मांडीवर
पदराखाली

येऊ नको ग अशी
सकाळच्या वेळेला
बाळ माझा गुटीसाठी
भुकेलेला

येऊ नको ग अशी
रिकाम्या हातानं
भरलेल घर माझं
सोनपावलानं!