सांग राधिके, सांग मला ग
सांग राधिके, सांग!

कुंजवनातिल गुजगोष्टींचा,जरा लागू दे थांग!
सांग राधिके, सांग!

वसंतातले वैभव पाहुन
मनोमनी तू हर्षित होऊन
वृक्षवेलीच्या गर्द सावलित
कृष्णसख्याच्या मधू-कूजनी, झालीस तू गे दंग!
सांग राधिके, सांग!

काय बोलले किती बोलले!
दिनरातीचे प्रहररी सरले,
काळाचे तर भान न उरले
कुंजवनामधी कृष्णराधिका मनोमीलनी धुंद!
सांग राधिके, सांग।

राधा-मोहन मधुराभक्ती
त्या भक्तीची अद्भुत शक्ती,
नाही उरली जरा आसक्ती
द्वैतालाही झणी बिलगतो अद्वैताचा संग
सांग राधिके, सांग ।